ЛОС АНЏЕЛЕС ЛЕЈКЕРС СЕ РАЗДЕЛИ ОД МЛАДИОТ ЦЕНТАР
Туриаф се пресели во Голден Стеjт
Рони Туриаф и официјално потпиша договор за Голден Стеит. Од клубот објавиле дека конечно ставиле крај на сите нејаснотии со нивниот нов центар на кого на 10 јули му беа понудени 17 милиони долари за четири годишна дружба со нив.
Сега екс клубот на Туриаф, Лос Анџелес Лејкерс имаше рок до седум дена за одговори на понудата на Голден Стеит и да се обиде да го задржи. Но челните луѓе на Л.А одлучија да го ослободат, по што тој веднаш потпиша за Вориорс.
Двата квалитетни центрите По Гасол и Андреј Буним беа причината поради Лејкерси не ја прифатија новата, но и далеку прескапа цена на нивниот екс-играч.
"Со Рони сме емоционално врзани, што пак целата ситуација ја прави уште посложена. Тешко е кога младите играчи како него ги пушташ да си заминат од клубот. Ако го знаеш Рони, ќе знаеш дека е добро дете. Ќе ни недостасува неговата енергија, кој тој ја пренесе во целиот тим", за разделбата со него изјавил менаџерот на Лејкерси, Мич Купчак.
Крилниот-центар минатата сезона ја заврши со просек од 6.6 поени и 3.9 асистенции, а Лејкерси во финалето не успеаа да го совладааат Бостон.
"Ние сме среќни што во нашиот тим имаме играч како што е Рони. Тој е млад, со многу енергија и се надевам дека ќе под обрачите ќе имаме голема помош од него особено под обрачите. Тој одлично одигра во финалето што пак беше доволна причина за да се одлучиме за него", изјавил потпретседателот на Голден Стеjт, Крис Мaлин.